រថយន្តបុកម៉ូតូ បណ្តាលឲ្យបុរសម្នាក់ ស្លាប់នៅកន្លែងកើតហេតុថ នៅស្រុកបូទុមសាគរ
06-May-2019 | ដោយ ពលមនសិការ
កោះកុង៖ បុរសម្នាក់បានស្លាប់ភ្លាមៗនៅកន្លែងកើតហេតុក្នុងករណីគ្រោះថ្នាក់ចរាចរណ៍រវាងរថយន្តនិងម៉ូតូ កាលពីវេលាម៉ោង១៣និង១០នាទីរសៀល នាថ្ងៃទី០៥ ខែឧសភា ឆ្នាំ២០១៩ ស្ថិតនៅលើផ្លូវជាតិលេខ៤៨ ចន្លោះបង្គោលគីឡូម៉ែតលេខ៤៨-៤៩ ជិតគល់ស្ពានអណ្តូងទឹក ស្ថិតក្នុងភូមិអណ្តូងទឹក ឃុំអណ្តូងទឹក ស្រុកបូទុមសាគរ ខេត្តកោះកុង។
មន្ត្រីនគរបាលខេត្តកោះកុងបានឲ្យដឹងថាក្នុងករណីគ្រោះថ្នាក់ចរាចរណ៍ដែលបណ្តាលឲ្យបុរសម្នាក់ស្លាប់នៅកន្លែងកើតហេតុខាងលើបង្កឡើងដោយរថយន្តមួយគ្រឿងម៉ាក Land cruser ឆ្នាំ២០១១ ពណ៌ខ្មៅ ពាក់ស្លាកលេខ ភ្នំពេញ 2R-9798 បើកបរដោយឈ្មោះ ផន ឆៃហួត ភេទប្រុស អាយុ២១ឆ្នាំ ជនជាតិខ្មែរ មានទីលំនៅភូមិប៉ប្រក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ពេលមកដល់កន្លែងកើតហេតុ បានបុកម៉ូតូមួយគ្រឿង Honda ផលិតឆ្នាំ២០១៨ ពណ៌ខ្មៅ ( គ្មានស្លាកលេខ ) បើកបរដោយឈ្មោះ ហាង ហាន ភេទប្រុស អាយុ៤២ឆ្នាំ ជនជាតិខ្មែរ មានទីលំនៅ ភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង (ស្លាប់នៅកន្លែងកើតហេតុ )។ មន្ត្រីនគរបាលដដែលបន្តថា មូលហេតុ បណ្តាលមកពី អ្នកបើកបរបង្ករ ធ្វេសប្រហែស ខ្វះការប្រុងប្រយ័ត្ន។
បច្ចុប្បន្ន សាកសពបានប្រគល់អោយក្រុមគ្រួសារ យកទៅធ្វើបុណ្យតាមប្រពៃណី ចំណែកជនបង្កររថយន្ត យើងយកមករក្សាទុកនៅអធិការដ្ឋាន ដើម្បីរងចាំការដោះស្រាយ ៕
ចំនួនអ្នកទស្សនា
- ថ្ងៃនេះ3911
- ម្សិលមិញ6261
- សប្តាហ៍នេះ22291
- ខែនេះ137441
- ឆ្នាំនេះ137441
- សរុប20579897